Mart-raðir

Ætli orðið 'mart-raðir' sé ekki komið úr ensku. Fólk sem þurfti alltaf að bíða í röðum í versluninni Wall-Mart dreymdi víst alltaf rosalega illa. Wall-Mart-raðir. Hljómar ekki vel og því var veggurinn felldur með Berlínarmúrnum. Ég hef leyst ráðgátuna eina ferðina enn!

Ég er alltaf að fá martraðir. Í nótt martraðaði* ég að pabbi væri að borða kokteilsósu í rúminu mínu sem á er hvítt rúmteppi. (Reyndar er það á rúminu svona einu sinni í mánuði en jæja) Faðir minn er mikill kokteilsósumaður og var búinn að klína allt rúmteppið út í sósunni. Sáust handaför á teppinu eins og að hann væri búinn að þurrka sér í teppið eins og ekkert væri. Ég varð alveg spinnigal og leitaði að pabba um allt hús. Fann ég kappann sitjandi í baðkarinu í öllum fötunum, sprautandi í sig Gunnars kokteilsósu. Eftir þessa martröð hata ég kokteilsósu meira en ég gerði áður. Skil ekki hvernig fólk getur borðað þetta. Öllabjakk!

Mig er líka búið að martraða tvisvar sinnum í röð að það sé búið að stela álfelgunum undan Cooper - bílnum mínum. Í fyrsta skiptið var martröðin svo raunveruleg að ég óð út á náttbuxum og hlýrabol í rigningarroki bara til að vera viss. Ótrúlegt hvað þessir andskotar geta verið raunverulegir.

Ps. Var að setja inn föllt af nýjum mendöm hér til hleðar. Vonandi fáið þið ekki mart-raðir eftir áhorfið... maðör veit aldrei.
* að martraða = það að dreyma illa. Martraða - martraðaði - martraði.

Blubbidíblu

Glöggir lesendur ættu að hafa séð þá gríðarlegu breytingu sem átt hefur sér stað á þessari síðu. Já mín var að fikta eitthvað og eyddi bara öllu dæminu. Öllum hrútspungum með p-máli og núna man ég ekki neitt. Ef ég gleymdi þér eða þú vilt verða hrútspungaður með p-máli þá er bara að láta vita með svita!

Ég var að fá túrplan. Einu sinni í mánuði með krömpum tilheyrandi og útblæðslu. Nei djók, Bjarkartúrplan. Verð alveg slatta mikið heima í sumar og þá er bara að byrja að panta mig í hitt og þetta. Ég verð heim eins og hér segir:

Frá og með deginum í dag til 20. apríl
27. maí - 21. júní
26. júlí - 19. ágúst
4. október - ??. ???

Þá er bara að byrja að panta. Verslunarmannahelgin er þó fullbókuð því aðeins ein mannsveskja er þess verðug að fá mig þá helgi. Habbahabba! Svo er ég búin að fá að vita launin mín. Uss ég hefði nú gert þetta ókeypis en ekki eru þessi laun af verri endanum. Svo fæ ég líka laun fyrir að vera heima í sumar að bora í nefið með ykkur. Ég get þá kannski splæst í kleinu og kókómjólk.

Og núna koma suddalegar myndir frá því um síðustu helgi:


Sippin' on strawberrystuff. Laid back!


Hver dó?


Svo skrapp ég á Óðal og þessar tóku vel á móti mér :)


Ég reyndi að kyssa þær fyrir greiðann. Gekk illa.


Gunni Hó þó að taka mig í bakaríið.


Speglamyndir eru alltaf sniðugar

Svo kem ég með eitthvað meira djúsí stöff næst. Lofa!

Viðburðarríki

Það er allt að gerast krakkar! Til dæmis fór ég að hitta túrstelpurnar tilvonandi heima hjá henni Brynju túbu í gær. Við vorum hressar og ég smakkaði pizzu frá Eldsmiðjunni í FYRSTA SKIPTIÐ! Mín afsökun: Ég á heima í Hafnarfirði. Við spjölluðum um ferðalagið á okkur og vorum sammála um eitt: við getum ekki beðið. Tókum svo Trivialið á þetta og auðvitað var ég í sigurliðinu. Ekki frekar en hinn daginn. Síðan bauðst ég til að gera mojito handa okkur stelpunum en viti menn. Hann varð óáfengur af því að ég gleymdi að setja aðalstöffið í hann. Hahaha. Algjör lúði. Ég fæ því ekki starfið sem barþjónn ferðarinnar.

Ég og Oddný skelltum okkur svo í bæinn og hittum nokkar fyrrverandi MR píur sem voru í essinu sínu. Ég á myndir því til sönnunnar en þær eru kannski aðeins of sveittar. Svo rann ég í ælu. Í stiga. Ojojoj. En það voru nú bara strákarnir sem voru alltaf að káfa á rassinum á mér sem fengu að finna fyrir því. Hohoho. Svo sá ég Júdda Law! Ætlaði nú að elta hann upp Laugarveginn með kameruna en litla gáfaða röddin mín sagði mér annað. Heim var brummað.

Í morgun bompaði ég svo stigann heima hjá mér og sést það heldur betur á nefinu mínu. Ég er alltaf að verða óheppnari og óheppnari sveiettan. Öll út í marblettum og kúlum á hausnum sem eru ekki mér að kenna reyndar. Og bitfar á nefinu og sogblett á hálsinum. Nei djók fáðér smók! Og núna er ég bara heima. Já.

Ábót:
Ég gleymdi alltaf að tala um snillinginn hann pabba minn. Hann gaf nefnilega mömmu Valentínusar/konudagsgjöf um daginn: Þurrkara og nýja uppþvottavél. Hahaha! Þessi gjöf ætti allavega að létta mömmu lífið þótt þetta virki allt saman mjög karlrembulegt. En allir sáttir! Og mamma sem bað bara um nýja Ladda diskinn til að hita upp fyrir fjölskylduferðina á Laddasýninguna sem hún planaði. Já og svo átti ég 21. árs getnaðarafmæli á degi Valentínusar. Þetta reiknaði maður allt út í sínum tíma...

Ég man

Ég man þegar DVD kom fyrst til landsins
Ég man þegar við keyptum fyrsta DVD diskinn
Ég man að það var Bugs Life
Ég man að við áttum ekki DVD spilara en gátum spilað DVD í nýju tölvunni okkar
Ég man að nú er sú tölva komin á haugana

Ég man þegar ég var 5 ára
Ég man að þá var litla systir mín lítið krumpufés
Ég man þegar ég sagði við mömmu: "Mamma, ekki gefa henni meiri barnamat. Hún er búin að fá nóg. Hún verður bara feit"
Ég man af hverju
Ég man að það var af því að ég vildi borða barnamatinn hennar
Ég man að ég fékk alltaf að sleikja lokið og innan úr krukkunni

Ég man þegar ég var að keyra áðan og sá lítinn strák
Ég man að hann var að sleikja ljósastaur
Ég man að ég bibaði á hann
Ég man að hann beit í tunguna

Ég man að ég verð bara að kaupa mér súkkulaðigosbrunn í Vörutorginu.
Ég man að ég verð að fara í sleik við gaurinn í Vörutorginu

Ég man ekki af hverju ég er ennþá leyfð í bloggheiminum.

Ég man ekki þegar ég tók þessa mynd:

Ég blogga á eftir

Lofa!

Sjúgið á þessu á meðan þið bíðið:

Örsaga

Lónið var hálftómt. Aðeins plástrar og bikinítoppur flutu á yfirborðinu og hárteygjur og snæri grófu sig ofan í kísilinn sem var síðan makað á þreytt og saltlegin túristaandlit. Gæslumennirnir gengu ákveðnum skrefum með volkítolkístöðvarnar í plastpoka. "Allt seif í vestur. Roger. Er að fara suður. Yfir og út." Skærgulu úlpurnar létu túristana fá ofbirtu í augun í myrkrinu. Aðeins stjörnurnar og flóðljósin lýstu leiðina. Einn túristinn fór úr spídósundskýlunni sinni og veifaði til félaganna til að sýna hvað hann er rosalega flippaður. Hann fékk kísil í sparigatið fyrir vikið. Parið vafði örmum sínum um hvort annað og engin önnur manneskja var til í heiminum. Bara ég og þú. Kossinn var saltur en hverjum var ekki sama. Ung stúlka bjó til væna kísilkúlu og skellti innan á bikinítoppinn sinn. Alveg eins hinum megin. Brjóstin stækkuðu um helming og voru raunverulegri en nokkru sinni fyrr. Hún kallaði þetta kísílíkon og er búin að fá einkaleyfi. Stúlkan hét Særún.

Riddari götunnar

Kæra fólk,
ég hef fest kaup á tæki sem gengur fyrir bensíni. Ekki sláttuorf og ekki vélsög. Heldur bíl. Það var held ég bara kominn tími til. Bílaklukkan mín var byrjuð að tifa og sprengjan farin að tikka. Þetta ferli tók nú lítinn tíma, nokkra klukkutíma eða svo og áður en ég vissi af var ég búin að fá bíllyklana í hendurnar. Bíllin lítur svona út:



Og auðvitað er hún sjálfskipt þessi elska. En svo er málið: Hvað á ég að skíra kvikindið? Og af því að ég er í svo góðu skapi þá ætla ég að hafa smá nafnasamkeppni og leyfa ykkur, lesendur góðir, að koma með tillögur af nafni/nöfnum. Og ekkert búllsjitt! Verðlaunin eru af betri endanum: rúntur með mér og ís af eigin vali. Fire away!

Ps. Hver er að fara að spila á Hróarskeldu í sumar? ÉG!

Ble!

Lífið gengur sinn niðurgang. Ég var að tralla um helgina og fékk þessa svaðalegu línu frá einum útlendningnum: "There's an afterparty at my body and you're invited." Ekki spurning hvað ég gerði eftir þennan gullmola! Fattaði svo að þetta er texti við lag með J Lo. Þá varð ég ekkert eins spennt. En á meðan ég man, þá var ég að setja inn gamlar og nýjar partýmyndir hérna einhvers staðar. Bara leita því ég kann ekkert á þessa myndasíðu eftir að henni var breytt. Alveg gagagúgú. Og takið eftir því að ég er með þrjá mismunandi háraliti á myndunum. Geri aðrir betur í vetur.

Jájá. Handboltinn. Mikið væri ég nú til í að setja bara á mute þegar kallarnir eru að góla með þjóðsöngnum. Mute á undirspilið það er og geta heyrt hvernig þeir syngja. Eða hvort þeir syngja yfir höfuð. Útlensku kallarnir syngja samt ekki enda ekki komnir það langt í íslenskukennslunni. Ég var að frétta það sko. Svo er svo fyndið að fylgjast með markverðinum okkar. Hann getur aldrei fagnað með hinum köllunum og er alltaf að segja "Jess!" og gerir svona "awwwright!" með hendinni. Svo gefur hann bara markstönginni fæv enda getur hann varla hlaupið út á völl til að gefa einhverjum öðrum fæv. En bara að gefa sjálfum sér fæv? Ég myndi bara gera það. Gemmér fimmuna Særún! Fimmuna! Awwwright!

Aaaa! Svo get ég sagt ykkur eitt í sambandi við túrinn minn blóðuga. Fyrsta giggið verður á Coachella hátíðinni í Palm Springs, US and A 27. apríl og er dagskráin ekki af verri endanum. Rage Against The Machine mun koma saman aftur við þetta tækifæri og jidúddamía ekki ætla ég að missa af því. Líka Willie Nelson. Vonandi lendi ég í jakúsí með honum marr! Verð bara að vera með háf með mér til að veiða upp dauðu húðina. Oj þessir gömlu flagna svo. En dagskrána er hægt að sjá hérna. Stór nöfn og stór hátíð. Svo eru líka fullt af þessum litlu böndum sem ég hef verið að hlusta svolítið á núna eins og The Rapture og The Kooks. Og Hot Chip! Og Air! Og Interpol! Ég er farin að ná í tissjú. Pissaði heldur betur á mig af spenningi. Ji.

Hundslappadrífa

Um daginn gerði ég snjókall á djamminu, nánar tiltekið á Austurvelli kl. 6 að morgni sunnudags. Honum var eytt nokkrum sekúndum síðar af drukknu fólki á minni ábyrgð.



Þarna er Villi að gera neðstu kúluna. Úllala!


Björk fer mjúkum höndum um boltann sinn. Mmmm.


Djammsnjókarlinn í allri sinni guðslegu dýrð. Og einhver að pissa á hann. Og já, ég gerði hausinn eins og sést.


Nokkrum sekúndum seinna. Þjáningum snjókallsins var linað. Hvíl þú í friði.
Vegna þess hvað ég dýrka hana Björk mína mikið, þá ætla ég ekki að setja myndirnar hérna sem voru teknar í bílnum eftir snjóleikinn. Hún var soldið sjúskuð. En í staðinn er hérna mynd af mér og Hildi á Kaffibarnum. Við erum alltaf sætar.



Og ein af okkur píunum. Og vá, bingóvöðvinn minn í essinu sínu



Síðan keyrði ég næstum því á skilti. Guði sé lof fyrir snjóskaflinn sem skildi að bílinn og skiltið.

Í fyrradag fór ég svo á snjóbretti í fyrsta skipti á ævinni. Ég á sko allar græjur nema brettið og skóna. Og allar hlífar sem ég þyrfti eiginlega að hafa til að halda lífi. Ég var nefnilega alltaf í snjóbrettaúlpu í 10. bekk og byrjun menntó. Móa hélt líka fyrst þegar hún sá mig að ég væri annaðhvort snjóbrettastelpa eða hástökkvari. Góður mannþekkjari hún Móa. En ég hætti að telja eftir 20. skiptið hvað ég var búin að detta oft. Ég náði þó að komast niður brekku einu sinni án þess að detta. Þetta er allt að koma! Næst eru það bara Bláfjöll. Eða kannski fyrst að komast í T-lyftinu í barnabrekkunni og passa að klessa ekki á eitthvað hús eins og síðast.

Ég fór á fund með aðstoðarkonu Bjarkar Gvöðmunds áðan með öllum hinum stelpunum líka. Sjitturinn titturinn hvað ég er orðin spennt! Einkarúta með rúmum, partí eftir öll festivöl með fræga fólkinu, brjálaðir búningar eftir einhvern frægan hönnuð, aðstoðarkona sem sér bara um okkur stelpurnar! En svo má ég ekkert tala um dag- og staðsetningar á tónleikum því þetta er allt eitt risastórt leyndó. En mig langar það svo!! Jæja, ég kaupi mér munnrennilás á morgun.

TvöþúsundogKYNLÍF

Þá er kynlífsárið mikla liðið og verð ég nú að bíða þangað til tvöþúsundogSEXtán til að geta farið að stunda þá íþrótt aftur. Ég lofaði verðlaunaafhendingu og fíneríi og auðvitað stendur stelpan við það. Vonandi móðgast enginn því það er alltaf næsta ár.

Brandarinn 2006

Margar tilnefningar bárust í þennan flokk en aðeins einn stóð upp úr og er það brandarinn:
"Hvernig urðu dvergar til? - Nokkrir menn skruppu saman í bíó."
Af þessari elsku get ég alltaf farið að flissa og flissa og flissa og pissa.

Verðlaun: Gullmedalía fyrir dvergahláturskast. Haha.

Lagið 2006

Ég asnaðist nú til að kaupa diskinn með peyjunum í We Are Scientists úti í Skondon en var ekkert svakalega hrifin. En mér finnst samt útgáfan þeirra af Hoppípolla ógeðslega fyndin og töff, sérstaklega af því að þeir vita greinilega ekkert hvað þeir eru að segja og er framburðurinn æðisgenginn. Hlusta á lagið hér.

Verðlaun: Pollagalli í öllu þessu pollahoppi.

Kækurinn 2006

er án efa að nota alltaf ... á MSN. Þetta dæmi hefur nákvæmlega engan tilgang nema ef maður ætlar að segja eitthvað meira. Einu sinni beið ég alltaf eftir að sá sem notaði þetta myndi segja eitthvað meira. Ég er ennþá að bíða. Ég verð að fara að hætta þessu. Þetta er nú samt ekki eins slæmt og í gamla daga. Þá notaði maður þetta eins og óð 16 ára stelpa. Tímarnir breytast og punktarnir með.

Verðlaun: Punktur punktur punktur komma strik. Sjálfstætt framhald Punktur punktur komma strik.

Partýið 2006

Ég verð nú að vera sjálfselsk og segja afmælispartýið mitt. Ég skemmti mér allavega konunglega þótt það hafi endað í blóði. Ég er með stórt ör því til sönnunar.

Verðlaun: Annað svona 2007!

Ógeðslega ljósmyndin 2006

Myndin segir meira en öll orð í heiminum til samans. Þarna er ég að dimmitera og var eitthvað að fíflast með hárkolluna hans Huma sem var skemmt. Ekki man ég eftir þessu en þetta var örugglega skondið fyrir alla nema mig. Ég lít allavega út eins og ég veit ekki hvað. Væri ekki til í að mæta mér í dimmu húsasundi svona útlítandi.
Verðlaun: Ekkert!

Gleðin 2006

Ætli það hafi ekki verið þegar mín heittelskaða Oddný kom heim eftir að hafa skilið mig eftir á klakanum í næstum eitt ár á meðan hún eltist við ítalska fáka. Svo var líka mikil gleði á mínum bæ eftir að hafa klárað blessaðan MR sem var sko ekki auðvelt. En það tókst.

Verðlaun: Oddný fær ársútekt í smokkasafni Særúnar.

Mistökin 2006

Það að hafa ekki hent þessu kvikindi út á naríunum um leið og hann hoppaði í rúmið mitt útataður í brúnkukremi á rassaborunni. Ég skipti líka á rúminu þegar hann var loksins farinn.

Verðlaun: Ný sótthreinsuð sængurföt

Tækniundrið 2006

Myspace. Hvað annað? Aldrei datt mér í hug að maður gæti orðið svona háður þó að ég hafi verið vöruð við með hvirfilbyl og stríði. Aldrei datt mér heldur í hug að þetta fyrirbæri gæti breytt lífi manns svona mikið eins og það gerði. Og aldrei hélt ég að ég myndi kynnast svona mikið af fólki og kynnast fólki aftur eftir margra ára fjarveru. Ég bara skiliddiggi!

Verðlaun: Tom fær feitan sleik frá mér ef ég hitti hann einhvern tímann. Kannski erfitt þar sem hann er örugglega alltaf á myspace.

Þátturinn 2006

Þátturinn sem bjargaði lífi mínu á löngum, köldum og einmana næturvöktum. Sérstaklega þegar sambýlið var netsambandslaust í heilan mánuð. Beverlí Hills. Já og Mellurósin líka þótt Beverlí heilli mig nú meira. Hægt er að lesa meira um þetta dót hérna ef þið nennið.

Verðlaun: Meira svona því það er aftur byrjað að sýna Mellurósina. Jei!

Töffarinn 2006

Það er án efa Sókrates Pálmason, bróðir minn með meiru. Hann er þó ennþá bara 13 ára og gengur um á fjórum fótum. Maður verður bara að redda sér. Hann reykir gras á fullu eins og hann fái borgað fyrir það í pulsum. Hann Sókri er töffaðastur!

Verðlaun: Sókri fær ársbirgðir af pulsum frá SS.

Töffarinn númer tvö 2006

Mikið er ég glöð að ég náði mynd af honum þessum. Auðvitað eiga strákar ekkert að vera feimnir. Vera meira eins og við stelpurnar sem rífum af okkur fötin við hvert tækifæri sem gefst. Vonandi fékk þessi samt buxurnar sínar aftur. (Samviskubit. Ái)

Verðlaun: Buxur af Særúnu. Og kannski hlýrabol ef það er mjög kalt.

Þægindin 2006

Nýja herbergið mitt. Og nýja rúmið mitt sem ég er ennþá að borga. Æðislegt að sofa í þessu rúmi en fyrir aðrar athafnir er það svolítið bánsí. Æi þið fattið. Líf mitt breyttist til muna þegar ég fékk minn eigin inngang, mitt eigið klósett og mitt eigið líf. Núna getur maður smyglað hverjum sem er inn en muna bara að taka skóna með inn sko. Og læsa. Það er svolítið óþægilegt þegar mamma manns opnar hurðina, skellir aftur og segir: "Fyrirgefðu!" Já og svo er auðvitað alltaf þægilegt að fá baknudd sem gerist aldrei.

Verðlaun: Ég get ekki gefið herbergi verðlaun. Kannski bara þrif. As good as it gets.

Tónleikarnir 2006

Árið var ekki mikið tónleikaár en ég gerðist þó svo fræg að hafa farið á náttúrutónleikana þarna í byrjun árs sem var jette bra. Svo skundaði ég á Morrissey sem er núna kannski að fara að taka þátt í Júgurvisjón fyrir Breta. Sussubía ojojojoj. Já svo spilaði ég á nokkrum stykkjum og ber þá kannski helst að nefna þegar ég spilaði með Björk og Sigrúnu á Airwaves ásamt Lödu Sport. Það var ógeðslega gaman enda komst ég þá að því hvað ég er ógeðslega mikil rokkarapíka. (núna geri ég svona rokkaramerki, hvernig sem það nú er.)

Verðlaun: Ég fæ VIP passa á alla tónleika sem eftir er. Je.

Skúbbið 2006

Ég komst hálfnakin í DV ásamt hinum yndisfríða 6.A. Fyrirsögnin var ekki af verri endanum: Klámkynslóðin komin í MR. Okkur var skemmt. Nokkrir ættingjar fengu þó móðursýkiskast, aðrir hláturskast. Ég get ekki sagt annað en að þetta hafi brotið upp hinn grámyglulega hversdagsleika heldur betur.

Verðlaun: Sá sem vill fær ársáskrift af DV. Það eru þó fáir sem vilja það. Hnjahnja.

Eftirherman 2006

Ég verð að vera aftur egó og segja Eyþór Arnalds-eftirherman mín sem sló svona hrikalega í gegn á sínum tíma. "Hermaur, hermaur!" Ekki furða að ég náði honum svona vel því við erum jú fjórmenningar. Hann er samt ógeðslega lítill. Sá hann á fínum veitingastað ásamt kærustunni sem er hausinum stærri en hann. Hún drakk rauðvín en hann kók. Nastí bidds.

Verðlaun: Ég fæ alvöru hermaur. Og kokteil. Og beyglaðan ljósastaur.

Stríðið 2006

Já ótrúlegt en satt þá átti ég í hálfgerðu stríði við unglinga sem eru bara nýkomnir með punghár. Nokkrir strákar í 4. bekk í MR sem þóttust vita rosalega mikið um ræðukeppnir. Þeir mega sjálfir reyna að leika hana Sollu sem var með bæklaðan munn af því að hún fékk slæmt hliðartott um helgina. Það er bara ekkert létt að halda andliti þegar maður er að gera það sko. Þurftu endilega að skrifa um það í Loka og mín ekki sátt en fannst þetta samt bara fyndið. Hefndi mín allsvakalega með skrifum mínum í MT og þá linuðust þeir nú og fóru að hæla mér í hástert. Bjuggu til námskeið fyrir mig í línubilaskiptingu og svoleiðis. En ég vann stríðið. Hahaha!

Verðlaun: Afnot af punghárunum þeirra í einn dag.

Skaupið 2006

Það var bara svona helvíti fyndið þrátt fyrir að ég haf þurft að flatmaga á parketlögðu gólfi á meðan áhorfi stóð því allir stólar og sófar voru fullir af norskum eðalbossum sem skildu ekki bofs í þessari vitleysu. Ég hló þó mest af Kappafling-auglýsingunni á undan. Haha.

Verðlaun: Annað svona 2007!


Æi ég nenni ekki að gera meira. Þetta verður bara að duga. Auðvitað gerðist fullt skemmtilegt á þessu ári og líka fullt leiðinlegt en hey, við tölum ekki um leiðinlega hluti hér. Ónei.

Ég kveð!