Særún dagsins



Fyrirtækið Særún á Blönduósi sem sérhæfir sig í... ég bara hef ekki hugmynd. Veit það einhver?

Messuvín

Ég gerðist svo fræg í dag að ég fór í mína fyrstu formlegu messu síðan ég fermdist hérna um árið 2000. Messan var samt ekki í kirkju, heldur í matsal nokkrum á elliheimilinu Sólvangi í Hafnarfirði eða á vinnustað mínum aðrahverja helgi þetta sumar. Ég var sett í það að fara með allt fólkið í messuna sem treysti sér til og gerði ég það af miklu öryggi og varkárni. Það þýðir nefnilega ekkert að hlaupa með eldgamalt fólk niður stiga. Hann Herra Bóbó gamli varð hálfhræddur við prestinn og skalf af hræðslu allan tímann meðan á messuhöldum stóð. Frú Matthildur Ibsen öskraði allar bænir sem hún kunni á dönsku við lítinn fögnuð viðstaddra. Presturinn var samt leiðinlegur, talaði bara um það hvað það er allt svo gott í himnaríki. Gamla fólkið varð alveg heillað og hefur örugglega farið strax upp í herbergið sitt og kæft sig með púða til að komast þangað sem fyrst. Getur verið.

Nokkur góð ráð sem ég lærði í vinnunni í dag:

- ef gamlir kallar reyna við þig og klípa í rassinn þinn, segðu þeim þá að þú sért ólétt. Það svínvirkar því þeir munu ekki snerta þig framar.
- ekki sjóða nælonsokkabuxur þegar þær eru þvegnar því þá verða þær gráar.
- sleipiefni er gott til að losa sig við harðlífi.
- fleiri ráð lærði ég ekki í dag.

Samtal

Ég: ,,En hvað þú ert í fínum kjól!"
Hallveig Hallgrímsdóttir: ,,Þú líka."
Ég: ,,Takk."

Ath. Gamla fólkið ber dulefni því í rauninni er það að vinna að falli ríkisstjórnarinnar en enginn veit hvernig þeim ætlar að takast það. En þú kemst að því í næsta þætti af The Old And The Beautiful.



Geirþrúður, Svabbi Diðriks, Karólína og Jófríður að ræða málin.

Komin með aukavinnu

Tek að mér að mæta í partý. Öll partý koma til greina, m.a.s. swinger- og kynsvallspartý, náttfatapartý, brúðkaupspartý en ekki dóppartý. Ég get mætt með gítar en auðvitað kostar það aukalega. Get spilað lög á borð við Firewater Burn, Island in the Sun, Fatlafól, Pósturinn Páll, Smells Like Teenspirit, Hit Me Baby One More Time, Prumpulagið (allt nema viðlagið) og svona mætti lengi telja. Frægust er ég þó fyrir nýstárlega túlkun mína á Viðrar vel til loftárása með Sigur Rós. Tek einnig að mér að spila óskalög.
Klukkutíminn kostar aðeins 1000 kall en hægt er að fá sérstakan afslátt ef beðið er um mig í meira en 5 tíma. Þá kostar klukkutíminn aðeins 900 krónur og 1 bjór fyrir hvern klukkutíma sem er auðvitað gjafaprís á heimsmælikvarða.
Áhugasamir hringja í mig í síma 866-8916 með að minnsta kosti klukkutíma fyrirvara. Get byrjað núna í kvöld.

Með von um góðar viðtökur

(Smáaletrið:Partýhaldarierskyldugurtilaðborgaundirmigleigubílsamkvæmtlögumnúmerfimmþúsundsext íuogníusemfjallaumréttindipartýfólksímorkinskinnufráárinutólfhundruðþrjátíuogátta)

Body Prump

Ég upplifði minn lengsta klukkutíma hingað til í gær. Ég og móðir mín ákváðum að taka okkur til og fara í ræktina til að vera nú mönnum sæmandi á ströndinni í Portúgal í sumar. Við keyptum okkur sitthvort 2. mánaða kortið fyrir morðfjár og fengum gefins 2 brúsa af því að afgreiðslukonan sá á okkur að við vissum ekkert hvað við vorum að gera. Með brúsann í hendi, fórum við í okkar fyrsta tíma - Body Pump.
Í hvert skipti sem ég heyri þetta orð - Body Pump - get ég ekki annað en séð fyrir mér mann eða konu með hjólapumpu í rassinum. Svo er pumpað og pumpað og maðurinn eða konan er orðin/n að stórum belg með útlimina skagandi út úr belgnum sem byrjar svo að svífa um loftin blá eins og loftbelgur eða gasblaðra á 17. júní. En svo er víst raunin ekki. Body Pump samanstendur af leikfimiæfingum með misþung lóð og einhvers konar pall.
Við gengum inn í salinn með augun á stilkum og vissum ekkert útí hvað við vorum að fara. Fólkið í tímanum samanstóð af miðaldra húsmæðrum með siginn rass og maga og svo voru tvö steratröll sem gerðu hvað þeir gátu til að sýna öllum hinum hvað þeir gátu nú sett þung lóð á stöngina sína og reyndu að klæðast sem litlum fötum til að geta hnykkt vöðvana hvað mest. Þetta byrjaði bara ágætlega. Við vorum með langléttustu lóðin og byrjuðum á skrýtnustu upphitunaræfingu sem ég hef séð. Algjör óþarfi að fara eitthvað nánar út í hana. Móður minni gekk ekkert svakalega vel og var alltaf á mis við alla aðra hvað varðar taktinn. Þegar við fórum með lóðin niður, setti hún þau upp. Seinna kom hún með þá útskýringu að það væri vegna þess að hún er örvhent - það skiptir nefnilega svo miklu máli þegar kemur að lóðum. Til að gera langa sögu stutta, var tíminn loksins búinn. Mér fannst ég hafa verið þarna inni í um það bil 3 tíma en neinei, ég var búin að vera inni í aðeins einn. Eftir tímann tók þjálfarinn okkur afsíðis og sagði okkur hvað það var sem við gerðum vitlaust. Eftir þónokkuð langa upptalningu ákváðum við mæðgurnar að fara aldrei aftur í þennan tíma og gáfum honum nafnið Body Prump því það er tíminn svo sannarlega - algjört prump.

SKÓLAÁRIÐ Í HNOTSKURN

Ágúst: Þá byrjaði sko ballið. Kom bara þokkalega sátt í skólann þrátt fyrir mjög strembið og tilfinningaþrungið sumar. Meira en sátt við bekkinn minn og móralinn sem í honum var. Tók latínunni opnum örmum en sneri baki við líffræðinni. Byrjaði í hljómfræði, tónheyrn og tónlistarsögu sem hefur verið hin mesta skemmtun og mun eflaust nýtast mér vel í framtíðinni.

September: Ósköp venjulegur septembermánuður. MR-ví dagurinn og busaballið. Datt í gæsaskít og hélt fyrirpartý fyrir busaballið. Komst að því að áfengi og stress eiga ekki vel saman. Kynntist mikið að skemmtilegu fólki.

Október: Októbermánuður einkenndist aðallega ef árshátíð, haustfríi. Var næstum því búin að senda ákveðnum manni eitthvað illalyktandi í pósti en sem betur fer tók ég sönsum og sá að það var ekki rétta leiðin til að takast á við ergelsið.

Nóvember: Einn af betri mánuðum ársins því að þá á ég einmitt afmæli. Mikið öl drukkið og mánuðurinn var bara eitt stórt partý.

Desember: Öðru nafni ruglmánuðurinn. Jólapróf. Tíminn fór bara í rugl og vitleysu sem hefði átt að fara í próflestur. En ég lærði af reynslunni. Jólin og gamlárskvöld. Jólin voru fín en kvöld gamla ársins hefði getað verið betra.

Janúar: Byrjaði með særindum og táraflóði en með hjálp góðra vina komst ég aftur upp á bakkann - bakka lífins sem ég hef náð að halda mér á síðan þá. Litla frænka mín veiktist alvarlega og varð að fá gefins nýra. Ég bauðst til að gefa eitt af mínum en eftir rannsóknir kom í ljós að ég var ekki heppilegur nýrnagjafi. Tók þátt í minni fyrstu ræðukeppni ásamt bekknum mínum 4.B sem var bara mjög skemmtilegt. Annað mál er þó hvort við unnum eða ekki. Söngvakeppni MR var í janúar þar sem ég og Guðný Danaveldisfari sýndum okkur og sönnuðum að við eigum framtíðina fyrir okkur sem rapparar og textahöfundar undir tímapressu. Söngvaball. Það að hafa mætt kl. 10 á laugardagsmorgnum á kammersveitaræfingar í marga mánuði, stórborgaði sig eftir afar glæsilega tónleika sem innihéldu margar af frægustu óperum Mozarts.

Febrúar: Árshátíðarvika og árshátíð númer 2. Vorhlé. Förstudagurinn þrettándi. Sögufyrirlestur um Mozart. Bekkjarpartý eins og 4.B. er einum líkt.

Mars: Varð mjög veik um miðjan mánuðinn og mætti því ekki í skólann í rúma viku. Missti þar af leiðandi af Herranæturleikritinu og grímuballinu, mér til mikillar mæðu. Kosningar.

Apríl: Ákvað að hoppa út í djúpu laugina og velja fornmáladeild I fyrir næsta skólaár. Páskafrí byrjaði. Tónleikar og söngvakeppni framhaldsskólanna. Lestur skólabóka. Partý þar sem ég kynntist ungum dreng. Páskar og páskaegg. Páskafrí búið. Mikið af afmælum. Sumardagurinn fyrsti. Ritgerð um Wagner fyrir tónlistarsögu. Gaf mig fram í bókasafnsnefnd og komst í hana. Síðasti skóladagurinn með bekknum mínum.

Maí: Lengsti mánuðurinn hingað til og hann er ekki einu sinni búinn. Einkenndist af 12 prófum sem loksins tóku enda. Evróvarp. Vinnuleit. Tónleikar. Hljómfræðipróf. Drykkja. Aðgerðarleysi. Tuðný fór til Danmerkur. Atvinnuleit svo ég komist í heimsókn til Tuðnýjar og geti lifað í sumar. Einkunnaafhending. Náði öllu. 7,8 í meðaleinkunn. Ballið búið.

Í stuttu máli sagt: Eitt stórt partý. Erfitt á köflum en alltaf smá sólarglæta. Eitt af mínum betri skólaárum.



Gæsaskítur

Litið yfir farinn veg


THE ADVENTURES OF CORNELIUS AND MORTIMER

Það var sólríkur dagur í bænum Offcester í Englandi og vinirnir Cornelius og Mortimer ákváðu að skella sér á ströndina. Fámennt var á ströndinni þennan dag og þeir sáu einungis ástfangið, nakið par í heitum ástarleik í sandinum. Allt í einu sáu þeir einhvern svartan hlut grafinn í sandinn.

M: “What on earth is that black object buried into the sand, my dear Cornelius?”
C: “Well I don’t have a clue Mortimer!”
M: “Ohh good Lord! This is a gun!”
C: “It’s obviously very old. I wonder if it works!?!”
*BANG* *AHH*
M: “Your question was answered my old friend!”
C: “Dear Lord! I think we shot the couple!!”
M: “Huhumm… you did my lad! But I think that won’t be a problem... that’s just Herman, the drunken sailorman and his mistress. No one will miss them.”
C: “But what shall we do with the drunken sailor??”
M: Oh Cornelius! Now is not the time to sing! We just have to go to the Danish shopkeeper and buy a plastic-bag and a shovel to dig them into the sand.
C: What a splendid idea, pal! Lets go!!

Þegar vinirnir komu í Den danske fødevarebutik tók kaupmaðurinn Hans á móti þeim að dönskum sið.

H: “Hvad!?!”
C: “God dag! Kan vi ha’ to sorte plastikposer og en skovle tak??”
H: “Nej, I kan ikke ha’ to sorte plastikposer og en skovle!! ”
M: “Men... hvorfor??”
H: “Jeg servere ikke mordere!!”
C: “Hvorfor tror du at vi er mordere??”
H: “Jeg er ikke et tossehovet! Du holder en pistol, idiot!!”
M: “Ehh... ja det er sandt. Men det er kun en vandpistol.”
H: “Hvis det er en vandpistol... skyd mig!!”
M: “Er du sikker på det??”
H: “Ja... eller er du en høne??”
*BANG*
C: “What have you done you fool??”
M: “He called me a chicken!!”
C: “But now we have to burry 3 dead bodies!”
M: “I am human you know!”
C: “Yes I know! But a cup of tea will fix everything. I can bet my grandmothers eyeball on that!”
M: “But I don’t want a cup of tea!”
C: “But lets think for a moment. We are in a Danish shop full of delicacies and Danish money. Then we’ve got the drunken sailorman’s boat!”
M: “Why are you always so bloody clever Cornelius??”
C: “I guess I was just born under a lucky star and with a silver-spoon in my mouth.”
M: “So you want us to take the money and the food and sail to Denmark on the boat??”
C: “You hit the nail on the head my dearest pal!”
M: “But what shall we do with the bodies??”
C: “We’ll just take them with us and sell them in Denmark... I’m sure the zoo will take them!”
M: “What a splendid idea, pal!! Lets go!!”

Cornelius og Mortimer siglu til Danmerkur og þar hélt ævintýri þeirra áfram. En þið fáið ekki að heyra hvernig gekk í Danmörku. Allavega ekki strax....

16. mars 2003

Ódrykkur mánaðarins:

Yesterday

-all my troubles seemed so far away.
-útskrifaðist hún Erla mín úr Flensborg. Hún tók þetta á þremur árum og brilleraði bara í öllu. Til hamingju með það.
-fór ég í veisluna hennar Erlu og við krakkarnir gáfum henni brjálað málverk.
-hefði ég getað farið í tjaldferð með 4. bekk en nei... hverju fórnar maður ekki fyrir vini sína?

Last night

-she said: "Oh baby I feel so good..."
-gaf pabbi mér bjór sem var góður og mamma gaf mér pina colada í flösku. Það var nú meiri viðbjóðurinn sem ég mun aldrei leggja inn fyrir varir mínar aftur.
-fór ég í súrt partý þar sem MR var rakkaður niður eins og alþingismaður á góðum degi.
-fór ég til Ingimars þar sem faðir hans gaf okkur rauðvín.
-pissaði Ingimar á húsið á móti mér.

Today

-is gonna be the day that they're gonna throw it back to you
-læra fyrir hljómfræðipróf.

Katrín lenti í 1. sæti, ég í öðru og Guðný í því síðasta. Til hamingju krakkar.

Hver á flesta vinina?

Núna er komið að því... keppnin um það hver er vinsælastur og vinamestur. Til að sjá það þarft þú, lesandi góður, aðeins að fylgja leiðbeiningunum hér fyrir neðan:

1. Skráir þig inn á MSN ef þú ert ekki nú þegar á því.
2. Telur hvað þú ert með marga inni á MSN hjá þér ef þú kannt þá að telja. Bannað að svindla!
3. Klikkar á Comment með því að fara með músarbendilinn á viðkomandi reit og ýta á vinstri hnapp músarinnar.
4. Skrifa nafn þitt og hve marga þú ert með á MSN hjá þér.
5. Ef það vill svo skemmtilega til að þú ert sá/sú vinsælasti/vinsælasta, þá færðu skemmtilegan titil að launum og borða (svona eins og í fegurðarsamkeppnum.)

Sjálf er ég nú bara með 41 hjá mér þannig að þið verðið að gera betur en það ef þið viljið vinna og hver vill ekki fá titil og borða? Ég bara spyr.

Uppáhaldsbrandarinn minn sem barn:

Hvert er helgasta nafnið?
- Helgi Dagur Kristinsson

Fattiði? HAhahahahahaha!



Helgi Dagur Kristinsson borðar Mentos. Mentos - ferskgerarinn!